Dəniz mühitində fəaliyyət göstərən gəmilər daim duzlu su, rütubət və sərt hava şəraitinə məruz qalır. Bu faktorlar metal səthlərdə korroziyanın (paslanmanın) sürətlə yaranmasına səbəb olur. Gəmilərin uzunömürlü və təhlükəsiz istismarı üçün qumlama (sandblasting) və rəngləmə prosesləri vacib rol oynayır.

Gəmilərin qumlanması nədir?

Qumlama – metal səthin xüsusi abraziv materiallar vasitəsilə yüksək təzyiqlə təmizlənməsi prosesidir. Bu proses zamanı:

• Pas və köhnə boya təbəqəsi tam təmizlənir
• Səth hamar və eyni zamanda yapışmaya uyğun hala gətirilir
• Yeni boya üçün ideal baza yaradılır

Gəmi sənayesində ən çox istifadə olunan abraziv mis şlak (copper slag) qumları daxildir.

Qumlama niyə vacibdir?

Qumlama olmadan tətbiq edilən boya uzun müddət davamlı olmur. Səth düzgün hazırlanmadıqda boya tez qopur və yenidən korroziya yaranır.

Əsas üstünlüklər:

• Korroziyanın qarşısını alır
• Boyanın yapışmasını artırır
• Texniki xidmət xərclərini azaldır
• Gəminin istismar müddətini uzadır

Qumlama prosesindən sonra növbəti mərhələ rəngləmə (coating) işləridir. Bu mərhələdə xüsusi dəniz boyaları istifadə olunur.Boyama adətən airless boya aparatları ilə həyata keçirilir ki, bu da bərabər qalınlıq və yüksək keyfiyyət verir.

Hansı standartlara uyğun aparılır?

Gəmi qumlama və rəngləmə işləri beynəlxalq standartlara uyğun görülür:

• Sa 2 – orta səviyyəli təmizlik
• Sa 2.5 – yüksək səviyyəli təmizlik (ən çox istifadə olunan)
• Sa 3 – tam təmiz metal səth

Bu standartlar səthin nə qədər təmiz və boyaya hazır olduğunu müəyyən edir.

Gəmilərin qumlanması və rənglənməsi yalnız estetik məqsəd daşımır, bu proses konstruksiyanın qorunması və təhlükəsizliyi üçün həyati əhəmiyyət daşıyır. Düzgün seçilmiş abraziv materiallar və peşəkar boya sistemləri ilə gəminin xidmət müddətini illərlə uzatmaq mümkündür.